ரொறன்ரோ ஆலயத்தில் தாங்கள் தவறாக நடத்தப்பட்டதாக வெளிநாட்டுத் தமிழ் தொழிலாளர்கள் கூறுகின்றார்கள்.

ரொறன்ரோ ஆலயத்தில் தாங்கள் தவறாக நடத்தப்பட்டதாக வெளிநாட்டுத் தமிழ் தொழிலாளர்கள் கூறுகின்றார்கள்.

Tamil migrant

ஸ்ரீ துர்க்கா இந்து ஆலயப் பிரதம சிவாச்சாரியாரால் நடத்தப்பட்ட விதம் பற்றி, இடமிருந்து இரண்டாவதாகவுள்ள சுதாகர் மாசிலாமணியும் வலப்பக்கத்தில் கடைசியாகவுள்ள சேகர் குருசாமியும் CBC ரொறன்ரோவுக்குப் புகாரளித்துள்ளனர். மற்றைய இருவரையும் CBC ரொறன்ரோ நேர்காணல் செய்ய முடியாமலிருப்பதால் அவர்களுடைய முகங்கள் மங்கலாக்கப்பட்டுள்ளன. (Tamil Workers Network)

CBC ரொறன்ரோவுடன் மட்டுமே பேசிய இரண்டு தொழிலாளர்களின் கருத்துப்படி, ரொறன்ரோவில் இருக்கும் இந்து ஆலயத்துக்கான சிற்பிகளாக இந்தியாவிலிருந்து இடம்பெயர்ந்த நான்கு தொழிலாளர்கள் மிகவும் கஷ்டமான வாழ்க்கைச் சூழலுக்கு முகம் கொடுத்ததுடன் மிகவும் குறைவான ஊதியத்தையே பெற்றிருக்கின்றனர்.

சேகர் குருசாமி, 51 மற்றும் சுதாகர் மாசிலாமணி, 46 இன் கருத்துப்படி, ஆலயத்தின் மிகவும் புனிதமான பகுதிகளில் ஒன்றைப் பகல் நேரத்தில் செதுக்கி, பூச்சு வேலை செய்த அவர்கள், இரவில் அந்தக் கட்டிடத்தின் அடித்தளத்தில் உயிர்ப்பற்ற நிலையில், கொதிகலனுக்குப் பக்கத்தில் மடிக்கும் கட்டில்களில் நித்திரை கொள்வார்கள்.

“நாங்கள் மிகவும் பசியுடன் இருந்தோம், எங்களால் அதைத் தாங்கமுடியாமலிருந்தது. சாப்பிடாமல் இருப்பதால், எங்களுக்குத் தலைசுற்றும்” என மொழிபெயர்ப்பாளர் ஒருவர் ஊடாக CBC உடன் பேசிய குருசாமி கூறினார்.

CBC ரொறன்ரோவுக்கான அறிக்கை ஒன்றில், குற்றச்சாட்டுகள் “பொய்யானவை,” என ஸ்ரீ துர்க்கா இந்து ஆலயம் கூறுகிறது.

migrant tamil

ஆலயத்தின் அடித்தளத்தின் ஒரு அறையிலிருந்த நான்கு மடிக்கும் கட்டில்களில் நித்திரை கொள்ளும்படி தாங்கள் வற்புறுத்தப்பட்டதாக தொழிலுக்காக இடம்பெயர்ந்த அந்தத் தமிழர்கள் கூறுகின்றனர். (Tamil Workers Network)

எங்களுக்குப் போதுமான உணவு கிடைக்கவில்லை

தேவாலயம் ஒன்றில் உள்ள தூபிக்கு ஒத்த, ஆலயக் கோபுரத்தின், $1.2 மில்லியன் பெறுமதியான புனருத்தான வேலைகளின் ஒரு பகுதியைச் செயலாக்குவதற்காக ஸ்ரீ துர்க்கா இந்து ஆலயம் இந்தியாவிலிருந்து நேரடியாக இந்த நான்கு தமிழ் ஆண்களை வேலைக்கமர்த்தியது.

இந்த நான்கு தமிழ்த் தொழிலாளர்களும் உணவுக்காக இந்த ஆலயத்தின் பிரதம சிவாச்சாரியாருக்கு அழுத்தம் கொடுத்தபோது, அவர் சொற்களால் துன்புறுத்தியதுடன் வன்முறை செய்வதாக மிரட்டினார் எனக் குருசாமி கூறினார்.

“அவருக்கு மிகவும் கோபம் வந்தது, வெளியேறச் சொல்லி எங்களிடம் சொன்னார். ‘நாயே வெளியேறு’ என அவர் சொன்னார். தகாத சொற்களைப் பயன்படுத்தினார்.” எனக் குருசாமி கூறினார். “என்னுடைய மனம் புண்பட்டுப்போனது. எங்களுக்குப் போதுமான உணவு கிடையாததால் நாங்கள் அழுதுகொண்டிருந்தோம். வேறு என்னத்தைச் செய்வதெண்டு எங்களுக்குத் தெரியேல்லை. எங்களுக்கு ஆரையும் தெரியாது. இந்த நாட்டுக்கு இப்பதான் முதல் தரமாக வந்திருக்கிறோம்.”

அவருக்கு அல்சர் இருப்பதாகவும், அதனால் ஒழுங்காகச் சாப்பிடுவது அவருக்கு முக்கியமானது எனவும் மாசிலாமணி CBC ரொறன்ரோவுக்குக் கூறினார்.

“சரியான சாப்பாடு எதுவுமில்லாமல். ஐந்து மாதமா நாங்க அங்கே வேலைசெய்திருக்கிறம்,” என மொழிபெயர்ப்பாளர் ஒருவர் ஊடாக மாசிலாமணி கூறினார். “சாப்பாடு பற்றி அவரிடம் நாங்கள் கேட்க முடியாது. வணங்கவருபவர்கள் முதல் நாள் சாப்பிட்ட சாப்பாட்டின் மீதியே எங்களுக்குத் தரப்படும்.”

மேலும் படிக்க: இங்கு அழுத்தவும்

Posted in Uncategorized | Leave a comment

‘It’s slavery in the modern world’: Foreign workers say they were hungry, abused at Toronto temple

Hindu Temple calls allegations false, but Toronto lawyer says workers owed ‘substantial’ settlement

Suthakar Masilamani, second from the left, and Sekar Kurusamy, far right, complained to CBC Toronto about their treatment at the hands of the Sridurka Hindu Temple’s chief priest. The faces of the other two workers are blurred because CBC Toronto has not been able to interview them. (Tamil Workers Network)

Four migrant workers from India faced harsh living conditions and were drastically underpaid as sculptors on a Hindu temple in Toronto, according to two of the workers who spoke exclusively to CBC Toronto.

By day, they sculpted and painted one of the most holy parts of the temple, by night they would languish in the basement of the building, sleeping on cots by the boiler, according to Sekar Kurusamy, 51, and Suthakar Masilamani, 46.

To read the full story, please click:
http://www.cbc.ca/news/canada/toronto/hindu-priest-abuse-allegations-1.4485863

Posted in Uncategorized | Leave a comment

பலமான தொழிலாளர் மற்றும் தொழிற்தள சட்டங்கள் பலமான குடும்பங்களை உருவாக்கும்!

பலமான தொழிலாளர் மற்றும் தொழிற்தள சட்டங்கள் பலமான குடும்பங்களை உருவாக்கும்!

மேம்படுத்தபட்ட 148 முன்வரவினால் எமக்கு ஏற்படும் நன்மைகள் தொடர்பான ஆவணத்தைப் தரவிறக்கம் செய்து கொள்ள இங்கே அழுத்தவும்.

தனியார் மயமாக்குதலினால் ஏற்படும் செலவுகளும் அரசு சேவைகளின் பலன்களும்தனியார் மயமாக்குதலினால் ஏற்படும் செலவுகளும் அரசு சேவைகளின் பலன்களும்
தரமான அரச சேவைகள் உங்கள் சமூகத்தை பாதுகாப்பானதாகவும் வளமானதாகும் பேண உதவும்.  ஆனால் அந்த சேவைகள் தனியார் மயமாக்கப்படுவதால் சேவைகளின் தரம் குறைவதோடு மக்களுக்கு ஏற்படும் செலவும் அதிகரிக்கும் என்பதை நாம் பல வேளைகளில் கண்டுள்ளோம்.  அவற்றில் சில:

  • தனியார் மயமாக்கப்பட்ட ஹைட்ரோ சேவையினால் மக்களுக்கான கட்டணம் 300 விகிதம் அதிகரித்ததோடு மட்டுமன்றி ஒன்ராறியோ மாகாணத்துக்கு 500 மில்லியன் டொலர் வருவாய் ஒவ்வொரு வருடமும் இழக்கப்பட்டுள்ளது
  • தனியார் மயமாக்கப்பட்ட மருத்துவப் பரிசோதனைக் கூடங்களினால் மேற்கொள்ளப்படும் பரிசோதனைகள் மருத்துவமனைகளில் நடாத்தப்படுபவற்றை விட அதிக காலம் எடுப்பதோடு 50 விகிதம் அதிக செலவானதாகவும் வருடாந்தம் எமக்கு 200 மில்லியன் டொலர்கள் கூடுதல் செலவீனத்தை ஏற்படுத்துவதாகவும் உள்ளது.
  • தனியார் மயமாக்கப்பட்ட பனிப்பொழிவு அகற்றும் நிறுவனங்களினால் நெடுஞ்சாலைகள் இருமடங்கு நேரம் பனித் தேக்கம் உள்ளனவையாகவும் ஆபத்தானதாகவும் ஆக்கப்பட்டுள்ளன.(இரண்டு மணிநேரத்துக்குப் பதிலாக நான்கு மணிநேரம்).  அதற்கான செலவும் அதிகரித்துள்ளது.

முன்னர் தனியார் மயமாக்கப்பட்ட சேவைகள் தற்போது அரச சேவைகளாக மாற்றப்பட்டதன் பலனை ஒன்ராறியோ மற்றும் கனடாவில் சில பகுதிகளில் உள்ள சமூகங்கள் அனுபவித்து வருகின்றன என்பதுதான் எமக்கு நல்லதோர் செய்தியாக தற்போது உள்ளது.

  • அடித்தள மக்களின் போராட்டம் ரொறன்ரோ ஹைட்ரோ நிறுவனத்தை தனியார் மயமாக்கும் நகரபிதா ஜோன் ரோறி அவர்களின் திட்டத்தைக் கைவிடும்படி செய்தது.  ரொறன்ரோ ஹைட்ரோவை விற்கும் திட்டம் நிறைவேறி இருந்தால் ரொறன்ரோவின் நடப்பு நிதி 50 மில்லியன் டொலர்கள் வரை குறைந்திருக்கும்.  இதன் தொடர்ச்சியாக நகரம் மக்களுக்கு வழங்கும் சேவைகளில் பாதிப்போ அல்லது மேலதிக வரியோ எமக்கு விதிக்கப்பட்டிருக்கும்.  இப்படியான மேலும் ஒரு போராட்டத்தின் பலனாகவே, யங் வீதிக்கு கிழக்கே குப்பை வெளியேற்றும் பணியைத் தனியார் மயமாக்கும் திட்டத்தை ஜோன் ரோறி கைவிட வேண்டி வந்தது.  இதன் மூலமும் மேலும் பண விரயத்தையும் நூற்றுக்கணக்கான தரமான வேலைவாய்ப்புக்களையும் நாம் இழந்திருக்கக் கூடும்.  நகரத்தின் மீள்பயன்பாடு (recycle) திட்டத்துக்குரிய வளங்கள் குறைக்கப்பட்டிருக்கும்
  • தங்களின் தண்ணீர் சுத்தப்படுத்தும் திட்டத்தை அரச பணியாக்ககியதன் மூலம் ஹமில்ட்டன் நகரம் 5 மில்லியன் டொலர்கள் வரை சேமித்துள்ளது.
  • ஒட்டாவாவில் அரச கழிவகற்றும் சேவையைப் பெறும் மக்கள் தனியார் மயமாக்கப்பட்ட கழிவகற்றும் சேவையைப் பெறும் மக்களிலும் பார்க்க இருமடங்கு திருப்தி அடைந்துள்ளார்கள் என ஒரு அறிக்கையில் அறியப்பட்டுள்ளது.

அரச சேவைகள் தனியார் மயமாக்கப்படாமல் காப்பதன் மூலம் அதன் பயனை எமது சமூகங்கள் நீண்ட காலத்துக்கு பெற்றுக் கொள்ளும். எங்களால் உதவ முடியும்.

www.weownit.ca  |  www.facebook.com/weownitcanada  |  @weownitca

Posted in Uncategorized | Leave a comment

மாறிவரும் வேலைத்தளங்கள் – விதிகளை மாற்றுகின்றனவா?

மாறிவரும் வேலைத்தளங்கள் – விதிகளை மாற்றுகின்றனவா?
ஜீலை மாத இறுதியில் நாம் அனைவரும் எதிர்பார்த்த மாறிவரும் வேலைத்தளங்கள் தொடர்பான ஆய்வறிக்கையை ஒன்ராறியோ அரசாங்கம் வெளியிட்டுள்ளது. முன்னர் கனடாவின் தொழிற்தள மையமாக இருந்த ஒரு மாகாணத்தில் மாறிவரும் புதிய தொழில் நிலைகளை வெளிக்காட்டும் ஒரு 320 பக்க ஆய்வாக இது வெளியிடப்பட்டுள்ளது. 25 வீதத்துக்கும் அதிகமான வேலைகள் சிறப்பான ஊதியம் கொண்ட தொழிற்சாலை வேலைத்தளத்தில் இருந்த நிலை மாறி 10 வீதத்துக்கு குறைந்துள்ளது. சேவை வழங்கும் வேலைத்தள வேலைகள் பாரிய வளர்ச்சியை சந்தித்துள்ளன. 13 வீதமான தொழிலாளர்கள் தற்போது தற்காலிக வேலைகளில் ஈடுபட்டு வருகின்றனர். தனியார் நிறுவனங்களில் 14 வீதமான தொழிலாளர்களுக்கே வேலைத்தளத்தில் தங்களின் உரிமைக்கான குரலை வெளிப்படுத்த தொழிற்சங்கங்கள் உள்ளன. எமது அடுத்த தலைமுறை கல்வியை முடித்து வரும்போது அவர்கள் எந்த மாதிரியான வேலைகளை எதிர்கொள்ளப் போகின்றார்கள் என்பதை நமக்கு நினைவூட்டும் ஒரு அறிக்கையாகவே இது உள்ளது.

கவர்புள்ளிகள்:
தற்போதைய வேலைத்தளங்களில் தொழிலாளர் உரிமைச் சட்டம் மற்றும் தொழில் தரச் சட்டம் ஆகியவற்றின் பங்கை இந்த அறிக்கை ஆய்வு செய்கின்றது. அதில் உள்ளடக்கப்பட்டுள்ள தொழிலாளர்களின் அனுபவங்கள், தொழிற்சங்கங்களின் அறிக்கைகள் மற்றும் சமூக அமைப்புக்களின் அறிக்கைகளை உற்று நோக்கும்போது இந்த இரு சட்டங்களும் மேம்படுத்தப்பட வேண்டும் என்பது மட்டுமல்லாது எமது பொருளாதாரம் தொழில் நிறுவனங்களினால் சுரண்டப்படுவதற்கு எதிராகவும் ஒரு புதிய பாதை வகுக்கப்பட வேண்டும் என்பதும் தெளிவாகின்றது. இந்த ஆய்வறிக்கையை உருவாக்கியவர்கள் மாற்றத்துக்கான சில வழிவகைகளை கோடிட்டுக் காட்டியிருந்தாலும் தற்போதைய நிலை தக்க வைக்கப்பட வேண்டும் எனவும் குறிப்பிடுகின்றனர். இது தொழிலாளர்களுக்கு உரிய விழிப்புணர்வை ஏற்படுத்தாமல் தடுப்பதற்கும் சட்டத்தை மதிக்காத நிறுவனங்களுக்கு எதிரான எந்த வித விதிமீறல் குற்ற அறிக்கையும் தாக்கல் செய்யப்படாமல் தடுக்கும் வர்த்தக நோக்கத்தை மட்டுமே முன்னிறுத்தும் மனப்பாங்கை காட்டி நிற்கின்றது.

அடுத்தது என்ன?
ஆய்வின் அடுத்த கட்டமாக தொழிற்சங்கங்கள், தொழிலாளர்கள், தொழில் நிறுவனங்கள் மற்றும் சமூக அமைப்புக்களிடம் இருந்து இது தொடர்பான கருத்து பெற்றுக் கொள்ளப்பட வேண்டும். வர்த்தக சமூகம், லிபரல் அரசிடமிருந்து வேலைத்தளத்தில் மிகக் குறைவான தரத்தை ஏற்படுத்துவதற்கான அனைத்து பரப்புரைகளையும் செய்யத் தொடங்கி விட்டது. சரியான மாற்றத்தை உருவாக்குவதற்கு தொழிலாளர்கள் உடனடியாக ஒன்று பட வேண்டும்.
இது எமது அடுத்த தலைமுறைக்கான போராட்டம். தற்போதைய நிலை ஏற்றுக் கொள்ளக் கூடிய ஒன்றல்ல. எமது குழந்தைகள் குறைந்த ஊதியத்தில் உறுதியற்ற வேலை நிலையில் இருக்க நாங்கள் விரும்புகிறோமா? அல்லது தொழிலாளர் உரிமைகளை மதிக்கும் தரமான வேலைத்தள விதிகள் உருவாக்கப்பட்டு அவர்கள் மதிக்கப்பட வேண்டும் என விரும்புகிறோமா? மாறிவரும் வேலைத்தள ஆய்வு அறிக்கை என்பது சட்டம் தொடர்பானதாக இருந்தாலும் இது எமது அடுத்த தலைமுறைகள் இந்தக் கனடிய மண்ணில் வாழும் வாழ்க்கைக்கான சரியான அடித்தளமாகவே நாம் பார்க்க வேண்டும்
மேலதிக விபரங்களுக்கு, network@labourcouncil.ca என்னும் மின்னஞ்சலிலோ 416 441 3663 என்னும் இலக்கத்திலோ எம்மைத் தொடர்பு கொள்ளவும்
ஓக்டோபர் 1ம் திகதி மதியம் 1 மணி அளவில் Queen’s Park இல் நடைபெற இருக்கும் பேரணிக்கு உங்கள் அனைவரையும் அழைக்கின்றோம்

Posted in Uncategorized | Leave a comment